- ಗೆಳೆಯಾ 

ನೀ ಹೋಗಿ ಅದೆಷ್ಟು ದಿನಗಳಾದವೋ.....

ನಾ ಲೆಕ್ಕ ಕೂಡ ಇಟ್ಟಿಲ್ಲ...

ಆದರೆ ನನಗೇನೋ

ನೀ ಇಲ್ಲೇ ಎಲ್ಲೋ ಇರುವೆಯೇನೋ

ಎಂದು ಭ್ರಮೆಯಾಗಿದೆ...

ಕಣ್ಣೆದುರಲ್ಲಿ ನೀನಿರದಿದ್ದರೂ

ನಿನ್ನ ಬಿಸಿಯುಸಿರು ನನ್ನ ತಾಕುತ್ತಿದೆ..

ಕೊನೆಯದಾಗಿ ನೀ ಒತ್ತಿ ಹೋದ

ಮುತ್ತಿನಲ್ಲಿ  ಇನ್ನೂ ನಿನ್ನ ತುಟಿಯ ತೇವವಿದೆ...

ನನ್ನ ಮುಡಿಯಲ್ಲಿ ಮಲಗಿದ್ದ ಮಲ್ಲಿಗೆ

ಬಾಡಿದ್ದರೂ...

ಅದರ ಘಮಲು ಅಮಲು ಹಾಗೇ ಇದೆ...

ಅಂದು ನಾ  ಕಳಚಿಟ್ಟ 

ಕಾಲ್ಗೆಜ್ಜೆ ..

ಮಾತು ಮರೆತು ಕುಳಿತಿದೆ...

ಬಿಚ್ಚಿಟ್ಟ ಬಳೆಗಳು ನಾಚಿಕೊಂಡು

ಮೌನವಾಗಿವೆ..

ಹಾಸಿಗೆಯ ಮುದುರಿನಲ್ಲಿ 

ನಿನ್ನ ಮೈಬಿಸುಪಿನ್ನೂಆರದೆ ಉಳಿದಿದೆ...

ನೀ ನುಡಿಸಿಟ್ಟ ವೀಣೆ ಕೂಡಾ.....

ಇನ್ನೂ

ನಿನ್ನ ನೆನಪಿನಲ್ಲಿ ಕಂಪಿಸುತ್ತಿದೆ....

ನೀ ಕುಡಿದಿಟ್ಟ ಮಧು ಬಟ್ಟಲಿನಲ್ಲಿನ್ನೂ

ನಿನ್ನ ತುಟಿಯಂಚಿನ ದಾಹವಿದೆ..

ಎಲ್ಲಕ್ಕಿಂತ ಗೆಳೆಯಾ .....

ನೀ ಮನಸಿಗೆ  ಮಾಡಿ ಹೋದ ಗಾಯ..

ಒಂದಿಷ್ಟೂ ಆರದೆ ಹಸಿಯಾಗಿದೆ...

ಉಳಿಸಿ ಹೋದ ನೆನಪಂತೂ.....

ಮರೆತು ಕೂಡ ಮರೆಯದಂತೆ..

ಹಠ ಹೂಡಿದೆ...

ಇನ್ನುನನ್ನಿಂದಿನ್ನಾಗದು....

ಹೇ... 

ಬಂದುಬಿಡು ಗೆಳೆಯಾ..

ಹೊಸಲ ಮೇಲಿನ ಹಣತೆ..

ಹೇಳದೆ ಉಳಿದ ಕವಿತೆ...

ಎಂದೂ ಬತ್ತದ ನನ್ನೊಲವಿನೊರತೆ..

ನಿನ್ನದೇ ದಾರಿ ಕಾಯುತ್ತಿವೆ..

ಬಂದುಬಿಡೋ ...